Das mobile Journalistenbüro
auf Deutschlandreise

Tagebuch: Was ma von de Schwoben so lernt

Foto: Milos Djuric

Jetztetle sim ma im Ländle, in Sigmaringen, zwische den Badenser un d Württemberger, genau gsagt bei den Hohenzollern. Des fällt au sofort auf, weil des Städtle nämlich überragt wird vom Schloss. Auf dr oine Seit. Auf dr andreren isch der Barras, die Bundeswehr. On dozwische äben s Städtle an dr Donau.

Erscht mol sin se net so interessiert, d Schwoba in Sigmaringen. Mischtrauisch sen se, ob mer a Partei wäret, was mer wellet und so woiter. Aber mit dr Zeit gat s scho, weil d Ute Korn-Amann von dr Schwäbische Zeitung über uns berichtet und dann kommet se, d Leut.

Am Samstig sogar in Massen, aber net wäge uns, do isch nämlich dr Kruschlmarkt gwä: Oimal em Jahr kommet fascht 10.000 Leut, um den Kruscht von de Sigmaringer z kaufe. Des isch ebbes, wo dem Schwob s Herz aufgeht: En Keller ko ma ufräume un no s Geld verdiene. Damit des dr Nachwuchs au glei lernt, derfet d Kinder umsuscht verkaufe in dr Apothekergass, des isch dann wie s Börsenspiel an dr Schule – fürs Läbe glernt.

Nachts isch au no was los, am Bahnhof im AlfonsX sitztet o paar nette Mädle un oine isch fascht scho a Berühmtheit: d Elli von Elli on Nelli, die sin grad bei Popstars. Wie s weiter got, derft se aber net soge, sonscht müscht se a Strof zahle – un des macht d r Schwob net gern. Schpäter sen ma no uf a Feschtle gonge, a Beachparty wie mo auf neudeutsch sagt. Aber net am Beach, sondern am Baggersee: Baggert isch da au worre, abr wir hän selbschtverständlich rescherschiert.

Ob ma a Zigarette kriege könnet, hän ma on jungen Mo gfragt: Er soi a Schwob, hatr drauf gsagt  – erscht nach vielem Bitten hot r oine härgäba. Au bei dr Bar wars net oifach: Pfand hän se gnomma für an Plaschtikbecherle wies billiger net soi ka. An Konditor-Lehrling hän ma no troffa, der hat viel gwißt übers Eckle: So au, dass dr Fürscht gern amol an Scheich do het zum Wildsau jage. Selber isch dr Jörg bei dr Freiwilligen Feuerwehr gwä: Katzen hän se no net vom Baum gholt, hat er verzählt. Aber d Pferd sen so bled, die müsstet se immer wieder us dr Donau ziega: Mit am Schlauch um Bauch un no and Leitr gbunde.

Glernt häm ma d Schparsamkeit vom Schwob: Umsuscht hän mr bei dr Tante Ute gschlofe und gschmaust – net gschimpft isch grad gnug globt!